Deomp d’ar skol en-dro !

podkast

Skol Tregarvan

Annick ha René Helgoualc’h a zo ganeomp en abadenn hiziv. Ar re-mañ a zo ‘chom e Kerzanvez, e-kichenn bourc’h Gouezeg. Nag an eil nag egile a ouie galleg pa oant aet d’ar skol met ‘oant ket bet pell o teskiñ ‘hat ! Annick a yae d’ar “c’hours ménagers” ivez, e-giz tout ar merc’hed all d’ar mare-se. Ha René a ranke bale pemp kilometr evit mont d’ar skol ha ne oa ket heñchoù koltaret nag oto ebet da gas anezhañ fonnusoc’h. Ha deus ar skol emaomp ‘vont da safaret asambles ganto da zigentañ neuze ha René a gonto deomp deus e amzer-servich e Tunisi e lodenn ziwezhañ an ababenn ivez.

Un abadenn gant Benjamin Bouard.


Pellgargañ an abadenn

Buhez ar Zent

podkast

Ar Zent

Deomp da Vro-Chtou hiziv ! Asambles gant André Raoul omp bet oc’h en em gavet ar wech-mañ da lakaat ar gaoz war e vro. Hennezh a zo o chom e Kervidiern er Zent ha du-hont neuze ne chom ket kalz traoù. Kalz tud a zo aet kuit tri-ugent vloaz ‘zo, lod a zo aet d’an Amerik da glask labour, lod a zo aet da Baris ha lod all c’hoazh a zo aet da C’hourin da chom pe d’ar Faoued. Met ar brezhoneg a zo chomet bev en takad-se hag André Raoul a ra kentelioù brezhoneg gant ar gevredigezh An Ti Glas.

Un abadenn gant Benjamin Bouard.


Pellgargañ an abadenn

Bro ar mouded, bro ar viser

podkast

Ar Veneg e Brenniliz

Asambles gant Annick Plant omp bet oc’h en em gavet an taol-mañ. Homañ a zo ganet e Plonevell, e-kichenn Karaez du-hont. Er bloavezh 1959 oa-hi deuet da Vrenniliz da chom asambles gant he zud koulskoude. Hag an dra-mañ a oa bet ur sakre cheñchamant eviti ! Bro ar mouded a oa ur vro baour da neuze. Paour-ran ‘oa an dud, treut ‘oa an douar. Setu emañ Annick ‘vont da gontañ deomp bremañ deus buhez ar re baour e Brenniliz gwechall.

Un abadenn gant Benjamin Bouard.

Pellgargañ an abadenn

Tin ar C’hozh deus Lechiagad

podkast

Tin ar C’hozh e Ti-ar-re-gozh Penmarc’h

An Divskouarn o Nijal hiriv a zo gant ur Vigouden gozh deus Lechiagad. Tin ar C’hozh, pe Valentine Ronarc’h, a zo 98 vloaz. Ar vaouez a zo bet o chom a hed he buhez tu pe du deus stêr Pont-Abad, en ur familh ma voe an holl wazed martoloded. Hi he-unan a zo bet o werziñ piko. Kontiñ a raio ivez maouez Lechiagad penaos he deus graet anvdegezh gant he gwaz, paotr ar Gelveneg, en ur vont da ganañ ha da bourmen d’ar vrec’h goude koan. Brameñ ‘mañ Tin ar C’hozh o chom e Ti-ar-re-gozh Penmarc’h, lec’h ma ne vez ket selvijet a soubenn ar c’hig morse, hag e vez o sorc’henniñ deus he soupierennoù da noz.

Un abadenn savet gant Tunvezh Gwlagen-Grandjean


Pellgargañ an atersadenn