Deomp da virdi ar micherioù kozh bev !

podkast

Gabriel Le Bras (Foto : Ouest-France)

Un ugent micher bennak a vez diskouezet e Mirdi ar icherioù kozh bev, e bourc’h Argol. Du-hont e vez desket deomp peseurt micherioù a rae re war ar maez gwechall. Benjamin a zo bet o pourmen ennañ ha setu ‘neus graet anaoudegezh gant pevar den :
– Gabriel Le Bras, unan eus ar re o deus savet ar mirdi-mañ
– Anna Ely, honnezh a teu da nezañ gloan
– Maï, honnezh a ra amann da werzhañ d’an dud
– Bernard Sénéchal, hennezh a oa martolod

Un abadenn gant Benjamin Bouard.

Pellgargañ an abadenn

Deomp da Veurzh !

podkast

Meurzh, ar blanedenn ruz

Brezhoneg brav Dominique Merrien ho peus klevet meur a wech dija war Radio Kerne. Paotr Gouezeg a ra parti deus ar gevredigezh Loar Gann (kevredigezh astronomiezh Bro-Gerne). Asambles gantañ ‘yeomp da sellet ouzh an oabl. Lâret a ra deomp peseurt stered a c’haller gwelet en oabl e-pad an hañv. Goude-se ‘safaro un tamm bihan c’hoazh eus Meurzh, ar blanedenn ruz !

Un abadenn gant Benjamin Bouard.

Pellgargañ an abadenn

Yvon Gouez, gitarour Storlok

podkast

Yvon Gouez (en tu kleiz) ha Storlok

Rock ‘n roll ha brezhoneg ? An deiz-hiziv oc’h kustum da glevet an daou asambles. E-doug ar bloavezhioù 70 koulskoude ‘oa ket ken splann-se, dreist-holl e Bro-Leon ! Met du-hont eo bet krouet Storlok memestra ! Rock ha brezhoneg, evit ar wech kentañ ‘oa bet dimezet an eil d’egile.

Yvon Gouez a oa unan eus gitarourien ar strollad. Bet omp bet o welet anezhañ e Sant-Kadou (Sizun), e-lec’h emañ o talc’hen ar studio “Streat ar Skol”. Kontañ a ray un tamm deus istor Storlok deomp neuze. Met ouzhpenn gitatour Storlok eo bet, setu safarimp un tammig bihan deus e vuhez peotramant deus e labour e Streat ar Skol.

Un abadenn gant Benjamin Bouard.


Pellgargañ an abadenn

 

Reun ar Bidon, eus Gwengat da Senegal

podkast

Afrique Occidentale & Equatoriale Française

Bet omp bet o welet Reun ar Bidon e Plañvour, e-kichenn an Oriant. Met Reun n’eo ket deus bro an Oriant anezhañ ! Ganet eo e Gwengat, etre Kemper ha Douarnenez. Hemañ a zo hir ha pinvidik e vuhez.

Pa oa-eñ yaouank ‘rae koursoù-velo amañ giz-mañ er vro. Goude-se ‘oa bet oc’h ober e amzer-servich e Senegal. Un toullad traoù ‘neus gwelet du-hont, krokodiled, naered bras-spontus. Anoudegezh en doa graet gant pobloù all. Desket en doa safaret wolof un tammig bihan memes ! Hag ur c’hazh en doa drebet eno ivez ! Met fall ‘oa ar jeu d’ar mare-se, ar Frañsijen a oa krog d’en em gannañ er Rio del Oro. A-benn ‘oa deuet d’ar vro en-dro en doa graet micherioù a-bep seurt, a-raok dont da Blañvour da chom.

Un abadenn gant Benjamin Bouard.

Pellgargañ an abadenn