JAC, Aljeri ha labour-douar

podkast

Ur Breton o labourat er bloavezhioù 60.

Asambles gant Annick ha Francis Nédélec emaomp an taol-mañ hag ar re-mañ neuze a zo o vont da gontañ un tamm eus o buhez deomp. Er JAC (Jeunesse Agricole Catholique) e oant en em gavet asambles an eil gant egile e fin ar bloavezhioù 50. Da Gerambrunou (Rosporden) e oant deuet da zalc’hen ur feurm goude-se, pa oa distroet Francis da Vreizh, goude bezañ bet oc’h ober e amzer-selvich e Aljeri.

Un abadenn gant Benjamin Bouard.

Pellgargañ an abadenn

Asambles gant Roger Stephan

podkast

Roger Stephan e “Fin ar Bed”

Asambles gant Roger Stephan emaomp hiziv. Bet omp bet o welet anezhañ e Kerikel (Tremeven) e-lec’h m’emañ o chom evit ar wech. War chadenn Frañs 3 en abadenn “Fin ar Bed” ho peus gwelet hemañ sur a-walc’h : Fañch, an hini kozh ‘ni eo ! Bezañ aktour n’eo e vicher gentañ koulskoude. E Tremeven, “Treumeun”, eo-eñ ganet met e familh a oa o talc’hen un ostalidi en Oriant pa oa yaouank. Goude-se neuze ‘oa bet o studiañ en Naoned, a-raok dont da vartolod. Setu e-giz-se ‘neus beajet eus Breizh da borzhioù brasañ Afrika hag Asia. Goude c’hoazh ‘noa labouret e uzin Cascasdec (Skaer). Ur bern soñjoù ‘neus da gontañ deomp neuze !

Un abadenn gant Benjamin Bouard.

Pellgargañ an abadenn

Krediñ a ran, ne gredan ket

podkast

Krediñ a ran, ne gredan ket

Kaout aon dirak ur c’hazh du, mont da welet un diskonter, paseal dindan ur skeul … Savet eo bet hor c’hultur diwar kredennoù kozh ha traoù direzon. An diskouezadeg “Krediñ a ran, ne gredan ket” a lak ar bed kuzhet-mañ war-wel e mirdi Breizh (Roazhon). Paskal Nignol ‘neus heñchet ac’hanomp neuze er salioù teñval evit mont da welet poltred ur sorserez gwir, ur milouer “karget”, un daolenn-Ouija hag ur bern traoù all c’hoazh !

‘Peus ket re aon ?

Un abadenn gant Benjamin Bouard. Div lodenn a zo !

Pellgargañ an abadenn gentañ

Pellgargañ an eil abadenn

Anne ha Jeremy, brezhoneg e Kameled !

podkast

Kameled

Jeremy ar Floc’h ha Madeline Anne a zo o chom e Kameled. Jeremy a zo o teskiñ e vicher munuzer e Atalieroù an Ifern (Douarnenez) ha goude-se neuze ‘nefe c’hoant da zigeriñ e chanter da sevel bagoù. Madeline a oa bet o teskiñ brezhoneg e Stummdi warlene ha dalc’hen a ra da safaret brezhoneg asambles gant he c’hamarad koulz ha brezhonegerezed eus ar vro.

Un abadenn gant Benjamin Bouard.

Pellgargañ an abadenn