Kengred gant ar repuidi

Dibaoe ‘meo bet dispennet junglenn Calais eo bet kaset ar repuidi a oa eno un tammig e pep lec’h e Frañs. Un toullad anezho zo bet degemeret e Tregon e-kichen Konk Kerne. E-touez an tregont erru a-hont eo chomet 18 den, familhoù an holl anezho. Ha daoust d’ar vanifestadeg oa bet aozet a-enepto pa z’int erru ez eus ur bern kevredigezhioù hag hiniennoù o sikour anezho er vuhez pemdeziek. E Scaer ez eus ur strollad anvet On est Bretons, on est solidaires et on agit hag a ra e seizh gwellañ evit m’en em sentfe er gêr amañ. Malou Gourlaouen a zo perzh eus ar strollad-mañ.

Niverriñ al lapoused e Europa a-bezh

E-kreiz miz Genver bep bloaz e weler tud war an aodoù gant o lunedoù pellwel. Kemer a reont perzh en niveridigezh anvet Wetlands International evit al lapoused dour. Ar pal : Ar pal kompren e pelec’h e yont da c’hoañviñ ha goarez al lec’hioù-mañ ma zo ezhomm. Betek an 22 a viz Genver e c’heller sikour an evnonourien a-youl-vat pe a-vicher. Ronan Debel, eus an LPO Penn ar Bed, Lig gwareziñ al lapoused, zo bet aterset gant Morgane Bramoullé.

Trump kadoriet, sell un amerikan

D’an 20 a viz Genver ‘vo kadoriet Donald Trump, prezident nevez ar Stadoù Unanet. Ur souezhadenn bolitik ouzhpenn eo goude Brexit ar Rouantelezh Unanet. Wayne Mockerman, amerikan ‘neus bet botet evit Clinton, zo bet aterset gant Morgane diwar-benn e brezidant nevez, ar manifestadegoù e kêrioù bras ar Stadoù Unanet a-enep da Drump ha dibaboù politik kentañ ar businessman.

Telethon e Rosporden

podkast

Kevredigezh an “Téléthon” ba Bro C’hall a labour evit sikour ar vugale klañv gant kleñvidi genetek rouez. Aozet vez ganto bep bloaz e penn kentañ miz Kerzu abadennoù e pep korn bro C’hall evit rastelliñ argant, ha reiñ anezhañ d’an enklask medisinel. Evit ma vo urzhiet mat un darvoud ken braz, ‘n eus kevredigezh an “Téléthon” unan bennak evit aozañ an traoù e pep kumun. Suzanne Meliarenn a zo kenaozourezh Rosporden, hag eo sikouret gant ur strollad tud youlleg tre. Fañch Nedeleg da skouer, perzh er gevredigezh “Les Joutes de l’Aven”, hag a gemer perzh just a-walc’h, asambles gant strolladoù all deus Rosporden. Ur brezegenn gant Suzanne Meliarenn, ha Fañch ha Annig Nedeleg, aterset gant Tunvezh Wloegen-Grandjean

Strollad Parkinson 29

podkast

Neuronoù

Kleñved Parkinson a zo an eil washañ e bro C’hall e touez ar c’hleñvidi a zistruj an neuronennoù, goude kleñved an Alzheimer. Kavet oa 195 000 den klañv gant Parkinson e bro C’hall e 2013.
Dont a ra ar c’hleñved gant an dud ‘vez en diouer a zopamine, ar volekulenn a lak ar c’higennoù da fiñval. Hervez Marie Tosser kouslkoude, ezel deus ar strollad “Groupe Parkinson 29”, eo disheñvel efedoù ar c’hleñved a zen da zen. Respontiñ a rae Marie Tosser da Dunvezh Wloegen-Grandjean.

Breizh : 5 war 5

podkastbreizh5sur5-1024x853Abaoe penn kentañ ar bloaz n’eus ket ‘met 13 rannvro e Frans pa veze a-raok 16 deus outo. Ar chañjamant bras-mañ ‘noa roet spi da stourmerien adunvaniezh Breizh, met c’hwitet eo bet an taol hag eo chomet Breizh ‘giz m’emañ abaoe 1941 pe 1956 hervezh al lezennoù kemeret e kont. Dibaoe an tabut bras zo bet da geñver adaozañ ar rannvroioù hag an disoc’h dipitus evit adunaniñ Breizh ez eus bet krouet ur gevredigezh, he fal dezhi : lakaat war wel youl ar Vretoned da vodañ Breizh ha Liger Atlantel. Breizh 5 war 5 eo anv ar gevredigezh hag emaomp gant Yves Marie Ar Braz, ezel ar strollad.

Aux Urnes Universelles

suzanne-plouxpodkastjosephine-pencaletE 2015 zo bet lidet un deiz-ha-bloaz pouezus evit an demokratelez : 70 bloaz ‘zo oa bet maouezet bro C’hall da votiñ evit ar wezh kentañ. E 1945. Evit lidañ an degouez-se he deus divizet ar gevredigez Beo da sevel un teulfilm. Savourez ar film, Anne Gouerou, a zo deuet da zisplegiñ penaos eo bet kaset ar raktres da benn. Un atersadenn gant Tunvezh Wloegen-Grandjean.

Ur forum sokial er vro vigouden

podkastforum-social-afficheAr strollad « Ondes citoyennes, Oser dire et envie de savoir » e anv a ginnig da kevredigezhioù ar Vro Vigouden ha d’an dud o-unan d’en em vodiñ e Pouldreuzic. Ar forum sokial bigouden a zo e bal : kelaouiñ ar geodourien hag an dilennidi, tabutal ha bodañ ar c’hevredigezhioù ha strolladoù stourm a-benn kavout diskoulmoù lec’hel. Jean-Yves Vigouroux, ezel eus ar strollad ouzh mikro Morgane Bramoullé.