« Ma mamm ‘noa ket bet chañs ha me ‘moa bet »

podkast

François Galand hag e wreg Renée (Foto : Ouest-France)

Asambles gant Fañch ar Galand (François Galand) omp bet oc’h ober anaoudegezh hiziv. Hennezh zo ganet e 1935 en Edern, e-kichenn Brieg. Paour-ran ‘oa e familh neuze : e dad-kozh ‘oa bet rivinet gant ar brezel bras, e dad ‘oa marv abred a-walc’h ha setu ‘noa ranket e vamm sevel he bugale he-unan kazimant. Degouezhet ar brezel e 1940 goude-se hag ar « Boched » a teue da zeskiñ tennañ ‘kichenn an ti. Met chañs ‘neus bet Fañch memestra, peogwir oa-eñ mat da zeskiñ er skol …

Un abadenn gant Benjamin Bouard.


Pellgargañ an abadenn

Ar veilherien

podkast

Meilh Keriolet (foto : www.capsizuntourisme.fr)

Ar vicher meilher zo cheñchet kalz abaoe ar brezel diwezhañ. Meilhoù-avel n’eus ket ken ha ne vez ket labouret gant an dour ken, abaoe m’eo deuet ar mekanikioù tredan. Ur veilh oa e kement parrez oa tout gwechall da neubeutañ, e-lec’h bremañ ne chom ket muioc’h evit dek e Penn-ar-Bed. Pevar meilher vo klevet en abadenn-mañ, da gontañ deomp penaos eo cheñchet ar vicher tammig-ha-tammig : François Rospape, pe “Soaig ar Veilh” (Brieg), Armand Penneg (Kerien), Youenn Naour (Kerien) ha Jean-Paul Kerdranvat (Ploneour).


Pellgargañ an abadenn

Poltred ur vrezhonegerezh deus ar vro : Marie-Louise ar Gow

podkast

Marie-Louise ar Gow

Gant Marie-Louise ar Gow omp bet oc’h ober anaoudegezh ar wech-mañ. Benjamin Bouard zo bet oc’h en em gavout asambles ganti e Kermelen Vihan e Brieg. Marie-Louise he deus bet safaret brezhoneg evit ar wech. Desket he deus brezhoneg asambles gant he zud ha pell zo neuze he deus choazet da safaret brezhoneg ar muiañ posubl. Desket he deus brezhoneg d’he bugale, ha da vugale ar re all memes, peogwir eo-hi bet o teskiñ tammoù traoù brezhoneg da skolidi Brieg e-pad tost dek vloaz. En afer deus ar brezhoneg eo bet er gomun ivez.

Un abadenn gant Benjamin Bouard.

Pellgargañ an abadenn

Arabat tennañ gounit eus ar c’heñved-red

Devezh broadel ar yec’hed e oa d’ar 7 a viz Ebrel. Youn Jardin deus komite difenn ospital Douarnenez ‘oa e marc’had Treboul o reiñ paperioù d’an dud d’an devezh-se. Ur galv embannet gant ar strollad a vod komiteoù souten an ospitalioù lec’hel e oa, evit ma vije desket diwar ar c’hleñved-red evit chañj penn d’ar vazh er mod da verañ an ospitalioù publik. Ar gevredigezh a zo e-touez an aozadurioù hag hiniennoù o deus sinet un intrudu sitoaian european anvet “Arabat tennañ gounit eus ar c’hleñved-red” : Pas de profit sur la pandémie. O c’houlenn e touez traoù all ‘vefe kuzhet netra war ar mod da verañ ar vaksinañ e Unvaniezh Europa. Yves Jardin, stourmer evit ar yec’hed evit an holl hag evit ur servij publik kreñv, a zo ganeomp evit dielfennañ stad an traoù evit an ospitalioù hag ar yec’hed dre vras, bloaz goude penn kentañ ar c’hleñved-red.

Pas de profit sur la pandémie

Pellgargañ