Keleier Bro Naoned ouzh mikro Marianne Vaidie.
Category: Atersadennoù Radio Naoned
Diwan Naoned Su : Diaes ar jeu evit an adskol
Digor eo skol Diwan Naoned Su abaoe 2012 hag abaoe 2015 o deus dilojet er c’harter Clos-Toreau.
6 bloaz zo neuze emañ ar skolidi hag ar skipailh o labourat e-barzh ranndioù prestet gant ti-kêr Naoned.
Hag evel-just n’eo ket kondisionoù dreist evit ar vugale, an atsemed hag ar skolaerien.
Laurie Le Brouster a-youl vat evit Radio Naoned a zo bet o reportajiñ eno.
An dud aterset Flors Quatrevaux skoazeller, Marie Ronvel skolaerez, Mael tad ur bugel ha skolidi.
Atersadenn Gweltaz Adeux : Ar strollad B.R.E.T.O.N.S
Gwelatz Adeux a zo en ur raktres nevez anvet B.R.E.T.O.N.S ha n’emañ ket e-unan. Gant ar strolladoù The Kervegan’s, Digresk, izili 
eus Soldat Louis, pe c’hoazh ar strollad Armens o deus prientet un arvest eus ar c’hentañ. An tonioù brudetañ eus ar strolladoù a vo sonet ganto met ivez tonioù AC/DC pe c’hoazh Dropkick Murphy’s ha souezhadennoù a vo evel-just.
Atersadenn Kazarn : Zad ar C’harned
Lec’hiet etre Frozieg (Frossay) ha Sant-Widel-Skovrid (Saint-Viaud), ar C’harned (Le Carnet) a zo un dachenn hag a zo bet dibabet 
gant porzh Naoned-Sant-Nazer evit sevel ul lec’h eko-teknologel war 110 hektarad ha 51 hektarad a takad-gleborek en o zouez.
A-enep ar raktres ar strollegezh Stop Carnet a zo o stourm dibaoe ar penn-kentañ o aozan manifestadegoù pe darvoudoù a bep seurt.
Stourmerien ha stourmerezed o deus divizet d’en em staliañ war al lec’h ha sevel ur Zad.
Kazarn en eus kemeret perzh, displeg a ra hiroc’h da Marianne Vaidie.
