Bank ar Boued e Kemper

podkast

Foto : © Cedric-Doux.fr

Bet eo bet Benjamin Bouard o vizitañ Bank ar Boued e Kemper, asambles gant Charles Normand, a zo o labourat eno a-volontez vat. Amañ e Penn-ar-Bed ‘vez sikouret tro 8000 familh gant bank ar boued ar bloaz-mañ, ha kaset boued da gomunioù an departamant bep sizhun. Sikouret ‘vez bank ar boued gant ar gouarnamant, an Europ ha stalioù ‘zo deus ar vro. Met n’eo ket trawalc’h, hag an dra-se zo kaoz ‘vo graet un dastum boued partout er Frañs a-benn ar 26 hag ar 27 a viz-Du.


Pellgargañ an atersadenn

CCFD – Terre Solidaire a zo tri-ugent vloaz !

podkast

CCFD – Terre Solidaire a zo tri-ugent vloaz !

Tri-ugent vloaz ‘zo emañ ar CCFD Terre Solidaire o sikour ar beisanted amañ giz-mañ er Frañs koulz evel er broioù all : sikour anezho da broduiñ boued a-walc’h evit tout an dud, ar gwellañ posubl, a-nes bezañ oblijet da labourat evit an agroeñdustrioù.

Benjamin Bouard a zo bet e Brieg oc’h en em gavout asambles gant René Férec, a ra parti deus ar CCFD pell zo. Lâret a raio deomp petra ra ar gevredigezh en deiz-hiziv ha safaret vo deus programm an abadennoù a vo dalc’het er vro a-benn ar sizhun a zeu beked miz-Du e kêrioù ‘zo (feurmioù) deus departamant Penn-ar-Bed.


Pellgargañ an atersadenn

Bord an Oabl, barzhonegoù gant Louis-Jacques Suignard

Louis-Jacques Suignard, hag a vez boaz d’ober deomp c’hwezhañ dour er festoù-noz, en deus strollet barzhonegoù ha n’int ket troet da ganaouennoù en ul levr kaer.

Deuet eo dindan an til ‘Bord an Oabl, embannet eo bet gant ti Goater.

Evit klevet hiroc’h barzhonegoù Louis-Jacques Suignard ‘vo kinniget  araok pell enrolladennoù gant Maëlle Ausias eus Radio Kreiz Breizh.

Ouzhpenn barzhonegoù zo, luc’hskeudennoù ivez , ul labour arzel gant Isabelle Vaillant, Gaëlle de Trescadec, Aïcha Dupoy de Guitard, Myriam Jegat, Eric Legret, Alexis Leroux, Sophie Patry.

 

Pellgargañ

 

Diskouezadeg Henry Moret e Mirdi an Arzoù Kaer e Kemper

podkast

Écueils près d’Ouessant (1901)

Henry Moret ne oa ket eus ar vro, met memestra ‘oa-eñ sot gant Breizh. E-pad bloavezhioù ha bloavezhioù eo bet o taolenniñ aodoù Penn-ar-Bed ha re ar Morbihan, gant ur mod da livañ dibar a-walc’h.
Un diskouezadeg a vez dalc’het bremañ betek miz-Here e Mirdi an Arzoù Kaer e Kemper. Benjamin Bouard zo bet o welet anezhi, asambles gant an heñchourez Annaick Loizel.


Pellgargañ an atersadenn