Puñsioù-petrol © Thaiview /shutterstock.com
Kavet ‘zo bet petrol e Ploneiz ! Ya, gwir eo, war hent Kemper emañ ar puñs ! Setu emañ Tunvezh ha Benjamin o vont da zeskiñ ur bern traoù deoc’h ! Petra eo ar petrol ? Pelec’h vez kavet petrol ? Penaos vez tennet ? ‘Blam da betra eo dañjerus evit an natur ? Deuit ganeomp bugale !
Gabriel-Ernest
Un danevell all emaomp ‘vont da gontañ deoc’h hiziv ! Gabriel-Ernest eo e anv ha skrivet eo bet gant Saki, ur skrivagner saoz ha oa bet lazhet er brezel e 1916. Benjamin an hini eo ‘neus lakaet anezhi e brezhoneg hag adaptet anezhi evit ar radio. Diwallit memestra, ur gontadenn skrijus a-walc’h eo !
Foto © Régis Morel
Anveout a rit an añfibianed ? Ne rit ket ?! Kement-se ‘ouzoc’h a-walc’h petra eo un añfibian ! An tousigi, ar gleskered, ar sourded : tout ar re-mañ zo añfibianed ! Bet eo bet Tunvezh ha Benjamin o sellet deuzouto er poull-dour e traoñ ar radio, deuit ganeomp ‘ta !
Kontadennoù an Indez
Deomp d’an Indez ‘ta ! Du-hont ‘zo istorioù brav da glevet, ha ni ‘zo ‘vont neuze da gontañ deoc’h teir c’hoñtadenn gozh : Al Laer hag an Olifant, Tambourin ar Roue hag an Daou Digr !
