Sevel ur gronikenn

Kentelioù an Noz ha Radio Naoned o deus lakaet e pleustr un emgav miziek, e bal deskiñ sevel ha dibunañ kronikennoù ! Ur Sadorn bep daou viz e vo sikouret ar berzhidi hag ar perzhiadezed da skrivañ o c’hronikennoù gant Liza Jakez-Vargas kelennerez war ar brezhoneg anezhi. Marianne Vaidie a hencho an dud war ar mod da zistagañ ha da gemer ar gaoz er mikro.

An dizingalded etre ar merc’hed hag ar baotred er skol gant Mathilde

An dizingalderioù etre ar merc’hed hag ar baotred a grog er skol.
Diwar studiadenn Edith Maruéjols, doktorez war an douaroniezh, e tispleg Mathilde deomp implij ar porzhioù-skol kentañ derez gant ar vugale.
Ar baotred a c’hoari mell-droad e-kreiz hag ar merc’hed a chom war ar bordoù.
Hervez Mathilde eo pouezus en em soñjal war an dra-se rak ar porzh-skol a zo al lec’h foran kentañ ma vez darempredet gant ar vugale.

 

Pellgargañ

Plas ar maouezed war leurennoù Breizh gant Anne-Gaelle Ardiet

Muioc’h-mui e vez lakaet ar gaoz war an ingalded etre ar merc’hed hag ar baotred, ha gwell aze ! Met labour a chom c’hoazh. E bed ar sonerezh da skouer n’eo ket kevelet ar merc’hed hag ar baotred war al leurennoù.

Anne-Gaelle ‘deus bet c’hoant da ziskouez dre ur gronikenn pegen skañv e oa an niver a vaouezed war leurennoù ar vro.
Diwar skouerioù ha sifroù kavet ganti en hec’h enklaskoù e tispleg deomp na ral e vez klevout merc’hed o seniñ dreist-holl.
Festoù-noz, sonadegoù met ivez er bagadoù n’eus ket kalz a vaouezed anvet da benn sonerez c’hoazh.

Pellgargañ