Ober hep Amazon ?

Bernez Rest

Ur c’hresk eksponantel a zo gant ar stal Amazon e bro C’hall, hag emañ stal Jeff Bezos o paouez prenan douaroù e Brieg, e kichen Kemper a-benn sevel ur greizenn degasadennoù. Rannet eo an dud e Kerne Izel war sujed Amazon. Da gompren un tammig gwelloc’h petra zo da c’hortoz deus ar stal, ha da gontañ domp penaos e vez kaset an eskemmoù etre an dilennidi lec’hel ha pennoù braz ar stal, e vo klevet un nebeut tud en abadenn-mañ, dilennidi ha stourmerien.

Uisant Kreker a zo dilennad ar muian niver nevez e kuzul kêr Kemper, bez-prezidant en karg deus an demokratelezh. Aterset eo eñ gant Erwan Blanchard.

Marc Andro a zo kuzulier kêr Kemper ivez, hag eñ bez-prezidant ar gumuniezh kumunioù en karg deus Dedenn an Tiriad ha deus al Lusk e Kerne.

Bernez Rest a oa war ul listennad enep en dilennadegoù, ul listennad ekologour kaset gant Martine Petit.

Hag e vo klevet c’hoazh tud bet vanifestiñ e Brieg a enep ar raktres.

Un abadenn savet gant Tunvezh Gwlagen-Grandjean.

 

 

 

 

 

Pellgargañ an abadenn

Efedoù ar c’horonavirus war brogramm danvez maer-ezed Kemper

E kerzh tro gentañ an dilennadegoù kêr e Kemper e oa tremenet teir listennad gwir dezho en em ginnig en eil tro. Erruet oa kostez kostez listennadoù an tu kleiz hag an tu dehou. Gant 32% deus ar mouezhioù e voe erruet danvez maerez an tu kleiz Isabelle Assih e penn an disoc’hoù. Ludovic Jolivet, maer Quimper dibaoe c’hwec’h bloaz, a oa erruet eil nebeut war he lerc’h gant 30% deus ar mouzhioù gant e listennad deus an tu dehou. Danvez dilennadez Ar Republik o Vale (LREM) a oa erruet trede gant kazi 14% deus ar mouezhioù.

Listennad Isabelle Assih

Met evel ma ouzhomp mat zo bet darvoudoù etre an div dro. Nebeut a efedoù ‘n eus bet enkadenn ar c’hroronavirus war brogramm an div listennad gentañ. Setu da gentañ ar pezh a vez lâret gant Anna-Vari Chapalan, 11vet war listennad Isabelle Assih… Kaoz a vo ivez deus ar fed ne vefe ket bet kavet emglev ebet e Kemper etre listennad an tu kleiz hag hini an ekolojisted.

Pellgargañ an abadenn

Listennad Ludovic Jolivet

Deus tu Ludovic Jolivet e vez lakaet war wel ar pezh a zo bet graet gantañ dija e kerzh an enkañ da zerc’hel yac’h an ekonomiezh. Maryse Kolin a zo 28vet war e listennad…</p>

Pellgargañ an abadenn

Atersadennoù kaset da benn gant Tunvezh Gwlagen-Grandjean

Politikerezh ar c’humunioù bord ar mor

podkast

Porzh Leskon

A-benn nebeut tre bremañ e vo dalc’het an dilennadegoù kêr e bro C’hall. Un digarez eo evitomp dont en dro war an tachennoù politikel m’en eus ar c’huzul kêr ar galloud da zegas cheñchamantoù. Abadenn an Divskouarn o nijal hiriv a vo strisaet war ziv gumun, kumunioù deus bord ar mor, Pornaleg-Leskon e Bro Vigoudenn hag hini Gwaien er C’hab. Pep kumun a zo gant he ferzioù dibar, hag ar re bord ar mor na dalont ket deus ar memes kudennoù ha re an douaroù. An eil-dier, an dud o koshaat er c’humunioù bord ar mor gant an dud war o leve o tont da chom eno, ar sevel tier ha gwarez an douaroù labour-douar, a zo temoù kizidik war an aodoù. Mez ur bern sujedoù all a vo lakaet ar gaoz warno ivez.

Asambles gant :
Laurence Berr, eil-maerez en karg deus ar sevenadur ha deus glad ar mor hag ar maezioù e kumun Pornaleg-Leskon.
Gurvan Kerloc’h, dilennad en tu-enep e kumun Gwaien-an Eskivien.


Pellgargañ an abadenn

Un abadenn savet gant Tunvezh Gwlagen-Grandjean, ha skignet d’an 8 a viz Meurzh 2020.

40 stourm Plougoñ #3

podkast

Penaos eo echuet ar stourm ba Plougoñ ? Setu ar pezh a vo sujet an trede abadenn an Divskouarn o Nijal da lidañ 40 vloaz ar stourm enep ar greizenn nukleel. Graet vo anv amañ deus ar maread a zo bet adalek ar bloavezh 1980. Ma vo preget deus Fañch Mitterand a-benn neuze, mez ivez deus an diforc’h a zo etre en em gannañ ha krouiñ, mez ivez deus ar memor.


Pellgargañ an abadenn

Un abadenn savet gant Tunvezh Gwalgen-Grandjean