Politikerezh ar c’humunioù bord ar mor

podkast

Porzh Leskon

A-benn nebeut tre bremañ e vo dalc’het an dilennadegoù kêr e bro C’hall. Un digarez eo evitomp dont en dro war an tachennoù politikel m’en eus ar c’huzul kêr ar galloud da zegas cheñchamantoù. Abadenn an Divskouarn o nijal hiriv a vo strisaet war ziv gumun, kumunioù deus bord ar mor, Pornaleg-Leskon e Bro Vigoudenn hag hini Gwaien er C’hab. Pep kumun a zo gant he ferzioù dibar, hag ar re bord ar mor na dalont ket deus ar memes kudennoù ha re an douaroù. An eil-dier, an dud o koshaat er c’humunioù bord ar mor gant an dud war o leve o tont da chom eno, ar sevel tier ha gwarez an douaroù labour-douar, a zo temoù kizidik war an aodoù. Mez ur bern sujedoù all a vo lakaet ar gaoz warno ivez.

Asambles gant :
Laurence Berr, eil-maerez en karg deus ar sevenadur ha deus glad ar mor hag ar maezioù e kumun Pornaleg-Leskon.
Gurvan Kerloc’h, dilennad en tu-enep e kumun Gwaien-an Eskivien.


Pellgargañ an abadenn

Un abadenn savet gant Tunvezh Gwlagen-Grandjean, ha skignet d’an 8 a viz Meurzh 2020.

An UDB en dilennadegoù-kêr

podkast

Emañ al listennadoù politikel davaat o vezañ resisaet tamm ha tamm ac’hann d’an dilennadegoù kêr. Chom a ra ur mizvezh hanter a-raog an deiziad ma vo gwiriekaet roll ofisiel an dud o kabaliñ evit merañ ar c’humunioù. Amzer d’an dud eskemm, da c’houzout gant piv, gant peseurt strolladoù, pe gant peseurt tuioù politikel emaint gant ar soñj kenlabouriñ. Izili an UDB, Unvaniezh Demokratel Breizh, o vezañ gant ar c’hoant bezañ dilennet, a vo kavet dre vraz war listennadoù tud an tu kleiz pe ekologour.
Maksim Touze, deus ar strollad UDB Kornog Kerne, a vo eñ war listennad an tu kleiz e Douarnenez : “Douarnenez, Douar Keodedour”. Emañ deus mikro Tunvezh Gwlagen-Grandjean.

Skignet d’an 20 a viz Genver 2020.


Pellgargañ an abadenn

Un abadenn savet gant Tunvezh Gwlagen-Grandjean, ha skignet d’an 20 a viz Genver 2020.

40 stourm Plougoñ #3

podkast

Penaos eo echuet ar stourm ba Plougoñ ? Setu ar pezh a vo sujet an trede abadenn an Divskouarn o Nijal da lidañ 40 vloaz ar stourm enep ar greizenn nukleel. Graet vo anv amañ deus ar maread a zo bet adalek ar bloavezh 1980. Ma vo preget deus Fañch Mitterand a-benn neuze, mez ivez deus an diforc’h a zo etre en em gannañ ha krouiñ, mez ivez deus ar memor.


Pellgargañ an abadenn

Un abadenn savet gant Tunvezh Gwalgen-Grandjean

40 vloaz stourm Plougoñ #2

podkast

Manifestadeg dirag lez-varn Kemper (Garreg)

Eil darn an heuliad abadennoù war stourm Plougoñ !

40 vloaz ‘zo eo bet treusfurmet buhez ur barrez vihan beg Penn-ar-Bed.

D’an 30 a viz Genver 1980 zo bet devet doser enklask foran kreizenn nukleel Plogoñ. Gant Radio Kerne e teuvomp en dro war an istor vojenel-se, en un heuliad abadennoù an Divskouar o Nijal, asambles gant tud ar C’hab pe ar broioù tro war dro, bet o kemer perzh en darvoud. E eil darn an heuliad-mañ, e vez kontet ganto maread an enklask foran en e-unan, c’hwec’h sizhunvezh a zo bet hir, deus an 31 a viz Genver d’ar 14 a viz Meurzh 1980.

Gant : Jean Moalig, Fañch an Henañ, Elisabeth Kolin, Pêr-Vari Kerloc’h, Korantin Peoc’h, Nicole Garreg, Marie-Renée Belleg, Germaine Dreanton


Pellgargañ an abadenn

Un abadenn savet gant Tunvezh Gwalgen-Grandjean