Atersadennoù

microWar an dachenn en un ti-feurm pe ur mirdi arz a-vremañ, er studio gant arbennigourien war ar politikerezh pe ur paotr yaouank kampion surf, setu ur renabl eus an atersadennoù kaset da benn gant Benjamin Bouard, Morgane Bramoullé, Laetitia Fitamant, Tunvezh Gloaguen-Grandjean ha Metig Vakez-Vargas. Da selaou, selaou en-dro ha podkastiñ !

Heñchoù Treuz

podkast

Skipailh Heñchoù Treuz (foto : Le Télégramme)

Deskiñ brezhoneg ar vro a c’hall bezañ diaes ober ma n’anveit ket brezhoneger ebet peotramant ma n’oc’h ket desket a-walc’h war parlañchoù ar brezhoneg. Ur stummadur nevez a c’hallo reiñ un tamm sikour deoc’h e Kerne-Uhel hag e Bro-Dreger. Heñchoù Treuz a vez graet deusouti ha soutennet eo gant kevredigezh ar Fiselerezh. D’an 2 a viz Du ha d’ar 4 a viz Kerzu oa bet dalc’het div abadenn e Rostrenn. Derv Huellou, un deus an aozourien, a lâro deomp petra eo Heñchoù Treuz neuze. Daou stajiad a glevimp ivez goude-se : Cindy Cadiou ha Mathieu André.

Saloñs Istor Lec’hel ha Glad Penn-ar-Bed e Rosporden

podkast

D’ar sul 29 a viz Edron (Here) zo bet dalc’het Saloñs Istor Lec’hel ha Glad Penn-ar-Bed. War gumun Rosporden eo tremenet an traoù ar bloaz-mañ. Degemer a raio kumun bro Gerne kevredigezhioù o tont deus lies parrez en departamant. Aozet eo gant an HPPR (“Histoire et Patrimoine du Pays de Rosporden”). He fal a zo lakat war wel sevenadurioù an amzer tremenet. Fañch Nedeleg a zo ezel an HPPR. Emañ deus mikro Tunvezh Wloagen-Grandjean.

Keit Vimp Bev

Camille Argouarc’h, Géraldine Hary ha Morgane Le Coz a zo deuet da ginnig deomp mont en-dro an ti-embann Keit Vimp Bev, anavezet mat gant ar vrezhonegerien. Heuliañ a ra ar stal ar chenchamantoù degaset er mod da ober ha da werzhañ levrioù  gant an amzer o vont e-bioù. Camille gant ar gelaouenn savet evit at grennarded bep miz, Morgane gant ar brud hag ar merañ melestradurel ha Géraldine, kaset er skolioù da ziskouez d’ar vugale petra a dalvez ober ul levr.

 

Choose

Pad pell eo bet klevet mouezh Brieg Moal war gwagennoù Radio Kerne dre m’eo bet animatour Tarzh an Deiz betek 2 vloaz zo ! Chañjet micher gantañ dibaoe met darlc’het ‘neus gant ar sonerezh ! Dibaoe un nebeut mizioù en deus savet un daoued anvet Choose asambles gant e gomper Erwan Leroux.
Choose zo ‘perzh deus taol lañs Ouest France, L’ampli ! Botit evito amañ hag e c’hellit heuliañ an daouad war o fajenn facebook

Entrendanse : deskiñ dre an dañs

podkast

Etre an 13 hag ar 16 deus miz Even oa aozet e sal arvestoù an Athena en Erge Vraz, ur festival dañs. Abadennoù savet gant skolidi eo a vez kavet e Entrendance. An 19vet bloavez eo zo deus ar festival-se. Clotilde Grandjean a zo skolaerez e skol publik Nevez, e kichen Konk Kerne.
Kemeret he doa perzh un nebeut gwezhioù dija er festival, gant ar c’hlasoù he deus bet en karg. Ar bloaz-mañ he deus labouret gant bugale he c’hlasad CE1-CE2 un arvest war demm Chagall, en liamm gant an diskouezadeg savet war e benn e Landerne. Ganti e vo gouezet deus petra vez degaset gant implij an dañs evit ar vugale er skol. Emañ-hi deus mikro Tunvezh Wloagen.