Atersadennoù

microWar an dachenn en un ti-feurm pe ur mirdi arz a-vremañ, er studio gant arbennigourien war ar politikerezh pe ur paotr yaouank kampion surf, setu ur renabl eus an atersadennoù kaset da benn gant Benjamin Bouard, Morgane Bramoullé, Laetitia Fitamant ha Tunvezh Gloaguen-Grandjean. Da selaou, selaou en-dro ha podkastiñ !

El Maout er festival invisible

Bep diskar-amzer e teu en-dro ar Festival invisible gant ur programm souezhus ha dic’hortoz e Brest. Manu Kemizet, lezanvet El Maout a raio un abadenn evit ar vugale d’an 23 a viz Du da 5e noz. Emañ ouzh mikro Laetitia Fitamant.

Pellgargañ an atersadenn

Ar festival invisible deus ar 16 betek ar 26 a viz Du e Brest. Muioc’h a ditouroù war festivalinvisible.com

Piv eo ar jiletennoù melen ?

Piv eo ar jiletennoù melen ? Setu tem ur brezegenn-tabut kinniget gant strollad ar C’hlaziked, ur strollad jiletennoù melen eus Kemper.
Div enklaskerez a zo bet pedet, Melanie Duclos, sosio-antropologourez, ‘neus savet poltridi 6 jiletenn melen e Brest ha Soaz Jolivet, danvez-doktorez war ar sokiologiezh a labour war tem an traoù boutin.
Displegañ a ra deomp hiroc’h ouzh mikro Morgane Bramoullé.

Pellgargañ an atersadenn

Ur vuhez all evit an ospital Gourmelen

podkast

Ar gwez-palm e-kichenn an ospital

Un deus ospitalioù koshañ Breizh eo an ospital Gourmelen, e Kemper. Met un nebeut a vloavezhioù ‘zo dija eo serr an hanter deus ar batisoù du-hont. Kuit da zistrujañ ar re-mañ, ti-kêr Kemper en deus lakaet en e soñj reneveziñ anezho evit ober tier ha lojamañchoù e-barzh.

Reun ar Rest a zo bet o labourat en ospital-mañ e-pad ouzhpenn tregont vloaz hag evit ar wech en deus anveet anezhañ. Evitañ eo pouezus dalc’hen an an ti-ar-re-sod e-giz m’emañ ha nompas distrujañ netra, kar an dra-se a zo un darn deus istor Kemper. Displeget ‘neus da Benjamin Bouard petra vo graet ne vo ket pell.


Pellgargañ an atersadenn