Kill Jessica un abadenn c’hoariva gant bugale Teatr MilTamm

An abadenn c’hoariva Kill Jessica, gant teatr Miltamm a vo kinniget deoc’h er sal dañs dirak skolaj Diwan Sant-Ervlan er greizenn Yezhoù ha Sevenadur fenoz adalek 7e30.

 

Teatr Miltamm a ginnig kentelioù c’hoariva evit ar vugale etre 7 ha 12 vloaz e Sant-Ervlan. Katell Leon a zo ganeomp evit kontañ hiroc’h deomp.

 

 

Pellgargañ

Pajenn Facebook Teatr MilTamm 

Saloñs Istor Lec’hel ha Glad Penn-ar-Bed e Rosporden

podkast

D’ar sul 29 a viz Edron (Here) zo bet dalc’het Saloñs Istor Lec’hel ha Glad Penn-ar-Bed. War gumun Rosporden eo tremenet an traoù ar bloaz-mañ. Degemer a raio kumun bro Gerne kevredigezhioù o tont deus lies parrez en departamant. Aozet eo gant an HPPR (“Histoire et Patrimoine du Pays de Rosporden”). He fal a zo lakat war wel sevenadurioù an amzer tremenet. Fañch Nedeleg a zo ezel an HPPR. Emañ deus mikro Tunvezh Wloagen-Grandjean.

Dorioù-digor Yezhoù ha Sevenadur

Digwener ha disadorn en doa Radio Kerne staliet e studio e Sant Ervlan da geñver dorioù digor ar greizenn Yezhoù ha Sevenadur. Ur greizenn da zegemer al lodenn vrasañ eus ar c’hevredigezhioù a labour e brezhoneg e meurgêr Naoned, ur greizenn da vodañ ar vrezhonegerien, da laka ‘nezho da zeskiñ e brezhoneg e vagouri, er skol, er skolaj, da zeskiñ ar brezhoneg e Skol an Emsav, e kentelioù an Noz, da lenn e brezhoneg e levraoueg KDSK, ha da eskemm ha da vevañ en hor yezh en ul lec’h boutin.
Visant Roue deus Ofis publik ar brezhoneg, Lena Louarn, eil brezidantez Rannvro Breizh en karg eus yezhoù Breizh, Pêr-Emmanuel Marais, kuzulier kêr ha meurgêr Naoned ha Tangi Manac’h, prezidant Yezhoù ha Sevenadur a zo bet aterset gant Morgane Bramoullé ha Tunvezh Wloaguen-Grandjean.
Teknik : Lou Millour

Stad al labourerezh douar hiziv an deiz

field-857903_1280podkastStad al labourerezh douar hiziv an deiz (bio, ‘conventionnelle’, FNSEA, Kengevread ar beizanted…), diskouachet gant :
Charlotte Kerglonou, saverez saout laezh, kengevread ar beizanted,
Didier Goubil, saver yer, dilennet e kambr al labour douar Penn ar Bed, FDSEA,
Louis-Pierre Le Cras, saver saout laezh, Kengevread ar beizanted,
Jean Bihan, bet labouret e vuhez-pad e kevelourioù labour-douar,
ha sell arbennig Tunvezh Vloaguen-Grandjean.
Buhezet gant Laetitia Fitamant.