Atersadennoù

microWar an dachenn en un ti-feurm pe ur mirdi arz a-vremañ, er studio gant arbennigourien war ar politikerezh pe ur paotr yaouank kampion surf, setu ur renabl eus an atersadennoù kaset da benn gant Benjamin Bouard, Morgane Bramoullé, Laetitia Fitamant ha Tunvezh Gloaguen-Grandjean. Da selaou, selaou en-dro ha podkastiñ !

Un diskouezadeg nevez e mediaoueg Poullan, er C’hab: ‘la ville engloutie’

Fabienne Lavigne ar vediaouegerez he deus labouret da sevel anezhi gant John de Vos, perc’henn war un diskouezva, Amandine le Moan, e penn Ystopia, ur fondasion nevez da anavezout ha gwareziñ ar meurvorioù, tud Breizh Vev, pe Bretagne Vivante…

Un daolenn bedagogel zo bet savet gant Bretagne Vivante – Breizh Vev- d’ober d’ar vugale, ha deomp-ni holl, kompren ar pezh a dalvez d’ar mor lonkañ kement a lastezioù ha pegeit amzer ‘vo ezhomm lezel tremen e-biou araok gwelet al lastezioù-se mont da netra… Plijout a ra kalz d’ar re yaouank…Ouzhpenn kompren penaos ‘vez saotret ar meurvorioù, ha peseurt disoc’h neus ar saotrañ-se war hor buhezioù, zoken pell ouzh an aod, ‘vo binvioù da c’houzout penaos produiñ nebeutoc’h a lastez. Hag un dibab taolennoù peogwir eo bet soñjet en arz gant John de Vos perc’henn war un diskouezva e Poullan.

Pellgargañ

 

‘La ville engloutie’, da welet e mediaoueg Poullan e miz Here hag e miz Du.

Lun
16e30 – 18e30

Merc’her
15e00- 17e00

Sadorn
10e00- 12e00

Arzhel, hudour ha speredelour

Emaomp gant Arzhel, hudour ha speredelour, majisian ha mentaliste ma karit. E-giz an holl arzourien hag arzourezed eo lakaet diaes gant an enkadenn yec’hed hag ekonomikel ‘maomp o vevañ met ar maji a c’hell bezañ diskouezhet e forzh peseurt degouezh o toujañ deus ar reolennoù yec’hed. Displegañ a ra se deomp ouzh mikro Morgane Bramoullé.

Pellgargañ

Ar repuidi ha repuadezed da vare an enkadenn yec’hed

“Rein boued ha bod d’un estren
Zo bet lakaet e-maez al lezenn”
sed aze gwerzennoù tennet eus “Etre klenved ha yec’hed”, ur varzhoneg savet gant Yan Ber Piriou, menneget gant Anaig Renou, a-youl vat, evit ar Cimade. Ar gevredigezh broadel e Frañs a ro sikour d’an embroidi. Aozet eo e rannoù e pep lec’h er vro.
E penn kentañ ar miz e oa bet embannet gant prefed rannvro an Hanternoz ‘vije difennet d’al lodenn vrasañ eus ar c’hevredigezhioù reiñ boued d’ar repuidi e kêr Calais ha n’eo nemet ur skouerenn deus stad fall an traoù evit an embroidi hag embroadezed er mare-mañ. Ar prantad dispell hag ar reolennoù lakaet e plas dindan ar stad a zifrae yec’hedel a ra kalz droug d’an dud vreskañ, ar re baour, ar re zilojeiz ha dibaper.
Derc’hel a ra ar Cimade Kemper lacimade.org da reiñ sikour hag eo en em adaptet d’hor mod da vevañ gant ar c’hleñved red.

Un atersadenn gant Morgane Bramoullé.

Pellgargañ an atersadenn