Atersadennoù

microWar an dachenn en un ti-feurm pe ur mirdi arz a-vremañ, er studio gant arbennigourien war ar politikerezh pe ur paotr yaouank kampion surf, setu ur renabl eus an atersadennoù kaset da benn gant Benjamin Bouard, Morgane Bramoullé, Laetitia Fitamant ha Tunvezh Gloaguen-Grandjean. Da selaou, selaou en-dro ha podkastiñ !

Diskouezadeg Henry Moret e Mirdi an Arzoù Kaer e Kemper

podkast

Écueils près d’Ouessant (1901)

Henry Moret ne oa ket eus ar vro, met memestra ‘oa-eñ sot gant Breizh. E-pad bloavezhioù ha bloavezhioù eo bet o taolenniñ aodoù Penn-ar-Bed ha re ar Morbihan, gant ur mod da livañ dibar a-walc’h.
Un diskouezadeg a vez dalc’het bremañ betek miz-Here e Mirdi an Arzoù Kaer e Kemper. Benjamin Bouard zo bet o welet anezhi, asambles gant an heñchourez Annaick Loizel.


Pellgargañ an atersadenn

Dastum parlant Douarnenez

podkast

Anaëlle Le Pann, Isabelle Ménard, Patrice Goyat, Gildas Sergent ha Nolwenn Dupont (Foto : Le Télégramme / Dimitri L’Hours)

Gwechall ne veze nemet brezhoneg etre an dud e Douarnenez, met pa oa komañset ar galleg da zont eo deuet war-wel “parlant Douarnenez”, galleg ha brezhoneg lakaet asambles. Ha n’eo ket marv c’hoazh ! N’eus ket pell neuze eo krog tud Emglev Bro Douarnenez ha re ar porzh-mirdi da studiañ anezhañ. An dra-se zo kaoz int bet oc’h enrollañ an dud war ar marc’had, koulz e kreiz-kêr evel e Treboul.

Benjamin Bouard a zo bet oc’h en em gavout asambles gant Nolwenn Dupont, studierez e Kemper hag e staj bremañ e Emglev Bro Douarnenez, hag Anaëlle Le Pan a zo ‘labourat er porzh-mirdi.


Pellgargañ an atersadenn

Micherioù ar sevenadur #5 : Elen

Foto gant Le Télégramme

Setu lodenn ziwezhañ hon heuliadenn o lakaat war wel ar re a labour er sevenadur hag a zo deus ar re lakaet a-gostez da vat gant an enkadenn yec’hed. Ul lodenn vat deus o labour n’o deus ket gellet ober ‘pad ouzhpenn bloaz. Un digarez ‘vo evitomp da zizoloiñ o micherioù ha da gompren penaos int lakaet diaes gant ar reolennoù yec’hed. E mod-se, pa ‘vimp gouest da gaout plijadur en-dro gant ar sonadegoù, ar mirdioù, ar sinemaioù, ar c’hoariva, hon ‘no koustiañs deus al labour brav ha pinvidik kaset gant ar re a labour e bed ar sevenadur.

Pempved poltred hon heuliadenn : Elen Rubin, animatourez sevenadurel e Daoulagad Breizh.

Pellgargañ