Etre ar 25 hag an 28 a viz Eost e vo dalc’het ‘ba Rostren unan deus diwezhañ festivalioù an hañv ‘ba Breizh, hag unan eus ar re dedennusañ ivez. E-pad 4 devezh e vo gouel ‘b’ar C’hreiz-Breizh, sonadegoù, festoù-noz, dañs, kan hag atalieroù, ur programm pinvidik kinniget gant Padrig Feroc ouzh mikro Laetitia Fitamant.
Category: Gouelioù an hañv 2016
Les Rias
D’ar 24 a viz Eost e loc’ho festival ar Rias ‘ba bro Kemperle, ur pemp devezh leun a abadennoù diroll, barzhoniel ha preder kinniget er straedoù nemetken. Elina Godé Vandenbroucke, eil-merez an Treoux, unan eus kummunioù Kemperle kummuniezh, a lâr deomp hiroc’h.
Loc’het eo an Tro Breiz
Loc’het eo an Tro Breiz deus Kemper ar mintin mañ. Goude an oferenn eo aet 1500 pic’hirin deus Iliz Veur Sant Kaourintin war zu Kastell Paol evit an tennad e Penn ar Bed. Ar pic’hirinaj evit enoriñ ar 7 sant a Vreizh a ra berzh bep bloaz ha se dibaoe ar grenn-amzer. A-benn bloaz e vo fin d’an Tro Breiz-mañ, p’eo loc’het deus Landreger e 2011 hag e ranker ober 7 vloaz evit kas ar 600 kilometr. Katell Uguen he deus heuliet al loc’hañ ar mintin-mañ e Kemper.
Festivalioù ha gouelioù miz Gouere
E Breizh e c’heller lâr ez eus ur gouel bep sizhun e pep korn ar vro. Dibabet ‘neus Benjamin da ginnig anezho deomp, eus an Erer Kozh da Festival Sinema Douarnenez hep disoñjal Fest an Eog, gouzout a ouzit pep tra war festivalioù an hañv ‘b’ar vro !
1.
2.
3.
4.
