Rodeier

Rodeier, un abadenn evit ober anaoudegezh gant re ar vro ha selaou anezho. Bep sizhun ‘yeomp d’en em gavout asambles gant brezhonegerien ha brezhonegerezed eus ar vro, evit dezho kontañ deomp deus o micher, deus o bro ha deus o buhez.

Lulu, ur vuhez e Bro-Fouen

podkast

Lulu (Foto : Le Télégramme)

Mouezh Lucienne Moisan ‘peus bet klevet sur a-walc’h gant Radio Kerne dija, a-benn ‘oamp bet o welet pourmen ganti er C’hap-Kozh pe e koad Penfoulig un nebeut bloavezhioù ‘zo. Met Lulu, e-giz ‘vez leshañvet er vro, ‘deus ket bet digarez morse da safaret deomp deus he buhez. Ha koulskoude ‘zo ur bern traoù da lâret ! E brezhoneg ‘oa bet savet gant he zud, e-lec’h ar vugale ne veze ken desket galleg dezho a-benn neuze. Hag atô eo bet troet deus an natur, ha setu warlerc’h ar skol ‘oa graet he soñj ganti da vont da heñchourez-natur … hag eo bet an hini gentañ er Frañs ! Benjamin Bouard zo bet oc’h en em gavout asambles ganti e Fouen, e-lec’h m’emañ o chom evit ar wech.


Pellgargañ an abadenn

Div barrez, div vuhez

podkast

Pleiben

Re Bleiben zo tud fier ha tud pinvidik, e-lec’h re Lopereg zo tud paour. Ha gwir eo an dra-se ? Da safaret deus an dra-se omp bet oc’h en gavout asambles gant daou zen : Denise Le Bihan, deus Pleiben, hag e breur-kaer Jean Herri, deus Lopereg. An daou-mañ a gonto deomp deus ar vuhez war ar maez gwechall : Denise a zo bet talc’hen douar e Pleiben asambles gant he gwaz Pierre, ha Jean zo aet da skolaer. An dra-se a oa un digarez da safaret deus traoù all ivez, deus ar boued gwechall pe c’hoazh deus skol Kervez e Lopereg.


Pellgargañ an abadenn

Douar ha pestisidoù

podkast

Skeudenn : Jean-Paul van Der Elst

Pierre Lukaz zo ganet e Gwiskri, e-kichenn Skaer. Eno neuze eo bet o talc’hen ur stal da werzhañ produioù evit al labour-douar, had, temz ha pestisidoù. Met a-benn neuze, er bloavezhioù 70, ne veze sellet deus ar produioù-man evel ma vez graet bremañ ! Ar pestisidoù a veze gwelet evel un dra vat neuze ha setu ne veze ket taolet kement-se a gont deus ar mod a veze taolet ar produioù-se war-c’horre ar parkeier, peogwir den na ouie lar oant dañjerus evit ar yec’hed …


Pellgargañ an abadenn