Un den er bed, un deiz bennak, pe ur vuhez-pad, en deus graet un dra, pe meur a dra, mat, pouezhus, ret, fentus, a vez gwell brudañ…
Un den er bed, un deiz bennak, pe ur vuhez-pad, en deus graet un dra, pe meur a dra, mat, pouezhus, ret, fentus, a vez gwell brudañ…
Un ti bourc’his-tre en Hamptons, Grey Gardens, a oa troet da gabanenn dermaji gant div vaouez dibar eus familh Jackie Kennedy. Mamm ha merc’h ‘oant, ha lesanvet ‘oant ‘Big Eddie’ ha Little Eddie’. Ne gavent ket mui o flas ‘touesk o c’henseurted pinvidik-mor e New-York… Div vaouez pell mat eus ar gevredigezh, div vaouez kollet, div vaouez libr, div vrizhenn, div arzourez… daou spered digabestr ha koulskoude staget an eil ouzh egile
Er Grennamzer, er manatioù, e veze staliet an eilerien hag an enliverien er scriptorium. O c’harg ‘oa ober eilennoù kaer eus ar skridoù relijiel, eus oberennoù dedennusañ an Henamzer. A vanati da vanati ez ae ar skiant hag ar sevenadur.
Moien ez eus bet da wiriañ ma veze kavet merc’hed er manatioù-se, aozet evit kopiañ ar skiant, al lennegezh, ar relijion. Met nebeut-tre a verc’hed, a vez desket deomp. Ur gont zo bet graet gant an istorianed: nebeutoc’h evit un’ dre gant eus al levrioù bet graet araok an XIIvet kantved ‘oa bet laosket etre daouarn merc’hed. Met penaos ‘ouifent resis piv neus bet eilet hag enlivet al levrioù-se? Ne oa na boaz na micher an eilerien, eilerezed, enlivourien, enlivourezed sinañ o labour
Ar gazetennerez Diane Lisarelli, mil mersi dezhi, he deus graet din ober anaoudegezh gant Maria Lai nevez zo. Maria Lai a zo aet diouzimp e 2013. Graet he doa eus an arz ur mod da brederiañ al liammoù etre an dud, evite d’en em garout an eil re hag ar re all un tammig gwelloc’h, eeunoc’h, aesoc’h.