Efedoù ar c’horonavirus war brogramm danvez maer-ezed Kemper

E kerzh tro gentañ an dilennadegoù kêr e Kemper e oa tremenet teir listennad gwir dezho en em ginnig en eil tro. Erruet oa kostez kostez listennadoù an tu kleiz hag an tu dehou. Gant 32% deus ar mouezhioù e voe erruet danvez maerez an tu kleiz Isabelle Assih e penn an disoc’hoù. Ludovic Jolivet, maer Quimper dibaoe c’hwec’h bloaz, a oa erruet eil nebeut war he lerc’h gant 30% deus ar mouzhioù gant e listennad deus an tu dehou. Danvez dilennadez Ar Republik o Vale (LREM) a oa erruet trede gant kazi 14% deus ar mouezhioù.

Listennad Isabelle Assih

Met evel ma ouzhomp mat zo bet darvoudoù etre an div dro. Nebeut a efedoù ‘n eus bet enkadenn ar c’hroronavirus war brogramm an div listennad gentañ. Setu da gentañ ar pezh a vez lâret gant Anna-Vari Chapalan, 11vet war listennad Isabelle Assih… Kaoz a vo ivez deus ar fed ne vefe ket bet kavet emglev ebet e Kemper etre listennad an tu kleiz hag hini an ekolojisted.

Pellgargañ an abadenn

Listennad Ludovic Jolivet

Deus tu Ludovic Jolivet e vez lakaet war wel ar pezh a zo bet graet gantañ dija e kerzh an enkañ da zerc’hel yac’h an ekonomiezh. Maryse Kolin a zo 28vet war e listennad…</p>

Pellgargañ an abadenn

Atersadennoù kaset da benn gant Tunvezh Gwlagen-Grandjean

Pouezh ar sevenadur war ar bolitikerien e Douarnenez

podkast

poltred gant Ouest-Frañs

Gant aktourien bed sevenadurel Douarnenez zo bet aozet un emgav braz a-raog an dilennadegoù kêr. Aozet tre eo tud ar micherioù-se kenetrezo e kêr festival ar sinema hag ar fanfaroù. Da zigarez an dilennadegoù o deus bet c’hoant e vefe emskiant pep listennad war ar renk deus ar pezh a vez gortozet deusouto.

Dileuridi deus an teir listennad war ar renk a zo tremenet dirag tud micherioù ar sevenadur neuze. Listennad Hugues Tupin, deus an tu kleiz hag ekologel ; listennad Jocelyn Poitevin, hag a zikler bezañ nag a gleiz nag a zehou ; ha listennad ar maer a vremañ, Fañch Kadig, deus strollad ar Republikaned.

Un tri-ugent den bennaket deus bed ar sevenadur a zo deuet da selaou ar respontoù d’o goulennoù.

Goulennoù hag a voe bet savet digant an danvez dilennidi gant Frederique Huet.


Pellgargañ an atersadenn

Arno Vannier, o labourat evel paotr e gamera e Douarnenez, a oa deuet er sal da glevet ar pezh o doe an danvez dilennidi da lâret deus o frogramm evit ar sevenadur e Douarnenez.


Pellgargañ an atersadenn

Atersadennoù gant Tunvezh Gwlagen-Grandjean, skignet d’an 11 a viz C’hwevrer 2020.

Politikerezh ar c’humunioù bord ar mor

podkast

Porzh Leskon

A-benn nebeut tre bremañ e vo dalc’het an dilennadegoù kêr e bro C’hall. Un digarez eo evitomp dont en dro war an tachennoù politikel m’en eus ar c’huzul kêr ar galloud da zegas cheñchamantoù. Abadenn an Divskouarn o nijal hiriv a vo strisaet war ziv gumun, kumunioù deus bord ar mor, Pornaleg-Leskon e Bro Vigoudenn hag hini Gwaien er C’hab. Pep kumun a zo gant he ferzioù dibar, hag ar re bord ar mor na dalont ket deus ar memes kudennoù ha re an douaroù. An eil-dier, an dud o koshaat er c’humunioù bord ar mor gant an dud war o leve o tont da chom eno, ar sevel tier ha gwarez an douaroù labour-douar, a zo temoù kizidik war an aodoù. Mez ur bern sujedoù all a vo lakaet ar gaoz warno ivez.

Asambles gant :
Laurence Berr, eil-maerez en karg deus ar sevenadur ha deus glad ar mor hag ar maezioù e kumun Pornaleg-Leskon.
Gurvan Kerloc’h, dilennad en tu-enep e kumun Gwaien-an Eskivien.


Pellgargañ an abadenn

Un abadenn savet gant Tunvezh Gwlagen-Grandjean, ha skignet d’an 8 a viz Meurzh 2020.