Tag: Reun Roue

“Ar Frañs devalue a-wezhoù ! Met pas ken fonnus ‘vi’ an Italianed.” Elian #2

podkast

Karr-chatal

Gant un eil abadenn emaomp hiriv asambles gant paotred Eliant. Ha da lakaat ar gaoz war ar marc’had koleoù breton e Europa asambles gant Lili Lousouarn, bet marc’hadour loened. Mez preget vo ivez deus bro Melenig, deus industrializadur ar vro, pe c’hoazh deus an deskiñ yezhoù, gant Reun Roue, bet labourer douar, ha Jean-Michel an Naour, a voe kuzulier kêr Eliant betek an dilennadegoù diwezhañ.


Pellgargañ an abadenn

Un abadenn savet gant Tunvezh Gwlagen-Grandjean, skignet d’an 29 a viz Meurzh 2020.

An titouroù degaset ganin war ar c’henwerzh koleoù e diabarzh Europa er bloavezhioù 1990 ‘m eus kavet er pennadoù-mañ :

– THOMAS Gerard, « Les échanges agroalimentaire de 1992 ha 2002 », in Economie et Statistique n°390, 2005 ;
– DUBAN Martine ha JAULIN Ariane, Le marché unique de la viande : France Italie Espagne, Observatoire Economique et Statistique des Transports, miz Du 1988.

Hesk, kezeg, bosenn ha douar Elian #1

podkast

François Hippolyte Lalaisse (1810-1884)

Elian a zo kumun nemeti bro Melenig, Elian zo ur vro en he-unan, ur vro ha n’eo ket na ba bro C’hlazig war ar c’hornog, na ba bro an Aven war ar c’hreisteiz. Elian zo Melenig, p’eo meren liv ar vroderezh a fich an dilhad.
Dre c’hras da Jean-Michel an Naour, kuzulier kêr, ‘m eus gellet ober anaoudegezh gant daou vrezhoneger all, ha setu ni hon pevar asambles tro d’an daol asambles gant Lili Lousouarn, bet marc’hadour loened, ha Reun ‘Roue, labourer-douar war e leve.

En abadenn-mañ neuze e vo preget deus labourerezh-douar, ekonomiezh, deus ar mod ma vez dalc’het an douar b’ar vro : an dispac’h braz, bosenn Elian, hag an ekonomiezh kapitalour a ra piv zo perc’henn war an douar hiriv an deiz.
Desket vo ar mod da viret ar plouz hag ar foenn d’ar mare ma voe ket graet bolotennoù.
Desket vo ar mod da breg brezhoneg g’ar c’hezeg.
Preget vo c’hoazh deus ar briz, priz ar boued, ar briz vez paet d’al labourerien-douar. Ha neuze vo preget deus ar mod da broduiñ evit kaout ur priz mat.


Pellgargañ an abadenn

Un abadenn savet gant Tunvezh Gwlagen-Grandjean, skignet d’ar 24 a viz Meurzh 2020.