An Divskouarn o nijal

divskouarnpodkastMont pelloc’h gant ar c’heleier, testeniañ eus buhez pemdeziek ar vro hag an dud. Setu aze pal an abadenn-mañ a vez skignet bemdez da 12e ha da 6e noz. Pignañ an Everest gant Lulu, enkadenn al labourerezh-douar, saotradur an aer, dilennadegoù, beajoù ar Vretoned… zo e-barzh an Divskouarn o nijal kinniget gant Benjamin Bouard, Tunvezh Gloaguen-Grandjean, Morgane Bramoullé ha Laetitia Fitamant pe Erwan Blanchard hag Herve ar Beg (eus Arvorig FM).

Jozef Raoul : bezañ Breton e New York e bloavezhioù 1960

podkast

An Unisphere, savet evit ar foer

Ha penaos voe bezañ breton b’an Amerik ? Domp d’ober ur veaj e New York er bloavezhioù 1960 asambles gant Jozef Raoul. A orin deus ar Sent e bro ar Faoued, ha bez eo bet o labouriñ e new York e pad 6 bloavezh. Evel kalz a vretoned d’e vare eo bet o labouriñ en tier-boued evel paotr ar selvij. Bezañ ‘n eus bet labouret da skouer e World’s Fair New York e 1964. Asambles emaomp ivez gant Andre Raoul, e vreur yaouank.


Pellgargañ an abadenn

Un abadenn savet gant Tunvezh Gwlagen-Grandjean, skignet d’ar 5 a viz Ebrel 2020.

Aet eo Louise Ebrel d’an Anaon

Aet eo Louise Ebrel d’an Anaon. Ganet e oa bet e 1932 e Trefin hag e oa merc’h da Eugénie Goadec. Ur ganourez brudet e oa, war leurennoù ar festoù-noz pe o kanañ gant Les Ramoneurs de menhirs. Lâret a reomp kenavo d’ur vaouez fentus ha dieub. Ra vo skañv an douar dezhi.

Kinnig a reomp deoc’h adselaou un abadenn savet e 2012. War-nes lidañ he fevar-ugent vloaz dre ur fest-noz meur e oa Louise Ebrel : kontet he doa deomp he buhez, buhez he familh a ganerien ha kanerezed, buhez he c’homperien war al leurenn… Startijenn ‘oa !

Un abadenn gant Laetitia Fitamant

Pellgargañ an abadenn