An Divskouarn o nijal

divskouarnpodkastMont pelloc’h gant ar c’heleier, testeniañ eus buhez pemdeziek ar vro hag an dud. Setu aze pal an abadenn-mañ a vez skignet bemdez da 12e ha da 6e noz. Pignañ an Everest gant Lulu, enkadenn al labourerezh-douar, saotradur an aer, dilennadegoù, beajoù ar Vretoned… zo e-barzh an Divskouarn o nijal kinniget gant Benjamin Bouard, Tunvezh Gloaguen-Grandjean, Morgane Bramoullé ha Laetitia Fitamant pe Erwan Blanchard hag Herve ar Beg (eus Arvorig FM).

Bezañ 20 vloaz b’an Ores : Louis Autret e brezel an Aljeri

podkast

D’an 18 a viz Meurzh 1962 zo bet sinet emglevioù Evian, hag a rae deus an Aljeri ur vro dizalc’h. Eizh bloavezh ‘n o bet padet brezel an Aljeri. Trevadennet oa bro ar Magreb gant bro C’hall diboae ar bloavezhioù 1830. Ober a rae neuze ur c’hant ha ugent vloaz bennak e oa renet gant ar gouarnamant hag ar berc’henned vraz c’hall. Louis Autret, paotr Penmarc’h, ‘n eus bet tremenet e holl amzer selvij en Aljeri. 27 mizvezh evit gwelet ar brezel a dost. Un abadenn gant Tunvezh Wloagen-Grandjean

Baleadennoù etre hent-meur hag an hent-houarn

podkast

Baleadennoù etre an hent-meur hag an hent-houarn

Ar gevredigezh Eost a zo o paouez skrivañ ul levr nevez : “Baleadennoù etre an hent-meur hag an hent-houarn” ‘vez anvet. Yann-Bêr Kemener, prezidant Eost, a zo bet o kinnig anezhañ deomp. Roet ‘neus an digarez deomp da c’hoût hiroc’h diwar-benn istor heñchoù kozh Terrug : an hent roman hag an hent-houarn !

Repuidi kamp Saida e bro Liban

podkast

Ouzhpenn 1 milion a repuidi a zo o vevañ e bro Liban. Sirianezed ha sirianed eo an darn vrasañ anezhe, o deus ranket kuitaat o bro ‘blam d’ar brezel diabarzh eno, a oa loc’het e 2011. Hiziv e vimp gant Manon Sabot, a zo bet o labourat a youl vat e kamp repuidi Saida, e Su Beyrouth, e-pad un nebeud mizioù, en ur greizenn skoliatañ.

Un abadenn gant Metig Jakez-Vargas

Fernande Creff, steredenn ar Faou

podkast

Fernande Creff hag ar vicherourien (foto : An Telegramme)

Steredenn nevez ar Faou eo Fernande Creff. Bemdez ‘ya d’ober kafe d’ar vicherourien a zo o labourat koste he zi, e-kreiz ar vourc’h. N’eo ket eus ar vro koulskoude : ‘ba’ Plourac’h (kanton Kallag) eo ganet. Un tamm eus he buhez a gonto deomp neuze !

Un abadenn gant Benjamin Bouard.

Blues ar Merc’hed

podkast

En abadenn-mañ ‘vez kaoz deus Blues ar merc’hed (disheñvel e demoù deus hini ar baotred) ha deus ar c’hanerezed Blues er bloavezhioù 1920 ha 1930 er Stadoù-Unanet. 50 bloaz goude fin ar sklaverezh eno, e komz ar Blues deus frankiz pennañ nevez an dud du : ar frankiz en o darempredoù personel ha seksel. Ar pezh a ziroudenne deus gizioù ar mare, a gomze deus karantez en un doare idealizet. Darempredoù maez-eured, ar feulster-ti, an darempredoù berrbad, an heñvelrevelezh… setu lod deus an temoù nevez a voe degaset gant Blues ar merc’hed.

Pennad-kaoz etre Morgane Bramoulle ha Metig Jakez-Vargas.

Savet eo bet an abadenn diwar ur destenn skrivet gant Angela Davis : “I used to be your Sweet Mama” tennet deus he levr Blues legacies and Black Feminism. (“Kustum e oan bezañ da vammig flour” – Herezh ar Blues hag ar Feminism du)

 

Ti ar re sod Kemper

podkast

An ospital Gourmelen (foto : Ouest-France)

An ospital Gourmelen – ar “c’habanon” e-giz e vez lesañvet amañ er vro – a zo bet savet ur c’hantved ‘zo bremañ. Reun ar Rest ‘neus labouret du-hont e-pad ouzhpenn tregont vloaz. Kinnig a ray istor an ospital deomp, koulz hag istor ar follentez hag e vicher : ober war-dro ar re glañv.



Un abadenn gant Benjamin Bouard.

Soñjoù Kerbohel

podkast

Bourc’h Landevenneg

Etre ar Stêr Aon hag ar Stêr Goz (Stêr ar Faou) emañ Landevenneg. Komun vihanañ Bro-Graon eo. E-touez an tri c’hant den bennak a zo chom enni ne chom ket kalz brezhonegerien. Poent-bras ‘oa deomp mont d’ober un tamm tro du-hont. Mouezh Deneza Kemener a vo klevet en abadenn-mañ. E Kerbohel ‘deus bevet evit ar wech tout, nebell deus ar vourc’h. Diwar-benn a-bep seurt sujedoù eo bet lakaet ar gaoz neuze : ar c’hleñvejoù gwechall, ar vuhez en tiegezh, ar skol …

Un abadenn gant Benjamin Bouard.