An Divskouarn o nijal

divskouarnpodkastMont pelloc’h gant ar c’heleier, testeniañ eus buhez pemdeziek ar vro hag an dud. Setu aze pal an abadenn-mañ a vez skignet bemdez da 12e ha da 6e noz. Pignañ an Everest gant Lulu, enkadenn al labourerezh-douar, saotradur an aer, dilennadegoù, beajoù ar Vretoned… zo e-barzh an Divskouarn o nijal kinniget gant Benjamin Bouard, Tunvezh Gloaguen-Grandjean, Morgane Bramoullé ha Laetitia Fitamant pe Erwan Blanchard hag Herve ar Beg (eus Arvorig FM).

Berjezioù Penfoulig

podkast

Ur C’hwerv-briz

Er bloavezh 1987, pa oa bet an avel vras, ‘oa bet pilet kalz gwez-avaloù e Bro-Fouenn hag ur bern gouennadoù-aval a oa o vont diwar-wel neuze. Guy Rannou, a-benn ‘noa gwelet an dra-se, ‘noa graet e soñj neuze ober un dra bennak kuit da goll ar re-mañ. Setu oa-eñ bet o tespugn gwez-avaloù e kêrioù Bro-Fouenn, evit grefañ anezho en-dro, asambles gant e gamaraded Jacques Ollivier ha Jean Gourlay. Div dachenn a zo bet graet dezho gant kumun Fouenn hag ar « C’honservatoire du Littoral ». E 1988-1989 ‘oa bet krouet gwerjezioù Penfoulig e Fouenn : un’ evit an avaloù-sistr hag eben evit an avaloù da zebiñ. Tri-ugent gouenn a gaver er berjezioù-mañ bremañ an deiz. Lucienne Moisan, animatourez-natur e Fouenn, a oa asambles ganeomp ivez.

Un abadenn gant Benjamin Bouard.

Pellgargañ an abadenn

Un dro-vale war vord ar stêr Minowet

podkast

Ar stêr Minowet

E miz-Gwengolo 2018, evit Devezhioù ar Glad, ‘noa goulennet ti-kêr Konk-Kerne digant Jos Goapper ober un dro-vale e brezhoneg war vord ar stêr Minowet. Benjamin a zo bet o pourmen asambles gantañ ivez evit sellet deus plant ar vro. Ha stank a-walc’h int du-hont ! Setu ma ‘g oc’h intereset gant ar brezhoneg hag ar plant : hiziv ‘po ho kont !

Un abadenn gant Benjamin Bouard.


Pellgargañ an abadenn

Ur medisin yaouank war ar maez

podkast

Ploneiz

Alies a-walc’h bremañ ‘vez lâret deomp lar vankfe medisined yaouank war ar maez da gemer plas ar re gozh a zo aet war o leve. Kalz parrezioù o deus miser bras o kavout medisined e Frañs, dreist-holl pa ‘g emaint pell deus ar c’hêrioù bras. Peurvuiañ ‘vez kontent deomp ne vefe ket dedennet ar vedisined yaouank da vont da labourat war ar maez.

Benjamin Franckaert, ne faot ket dezhañ tamm ebet mont da labourat e kêr koulskoude ! Evit ar mare emañ-eñ o labourat un tamm partout en departamant. Mont a ra da ramplasiñ medisined all ur wech dre vare. Kontañ a ra deomp pegen diaes eo d’ar vedisined yaouank dont da labourat o-unan war ar maez.

Hag ouzhpenn deus yec’hed ar Vretoned a-vremañ emañ o vont da gaozeal ivez ! Benjamin en deus savet un dezenn diwar-benn yec’hed ar Vretoned gozh,da vare an Amzer-Grenn Uhellañ.

Un abadenn gant Benjamin Bouard.


Pellgargañ an abadenn