Category: An Divskouarn o Nijal

An Divskouarn o nijal

Mont pelloc’h gant ar c’heleier, testeniañ eus buhez pemdeziek ar vro hag an dud. Setu aze pal an abadenn-mañ a vez skignet bemdez da 12e ha da 6e noz. Pignañ an Everest gant Lulu, enkadenn al labourerezh-douar, saotradur an aer, dilennadegoù, beajoù ar Vretoned… zo e-barzh an Divskouarn o nijal kinniget gant Tunvezh Gloaguen-Grandjean, Morgane Bramoullé ha Laetitia Fitamant pe Erwan Blanchard ha Reun Treger (eus Arvorig FM).

HAG AN OSPITALIOÙ FORAN?

Stad bed ar yec’hed zo ‘touesk an doseroù mallusañ ha pouezhusañ da dretiñ.
Ma ne fell ket d’ar gouarnamant bet dilennet e miz Mae paouez gant ar steuñv bet disec’het gantañ moienoù an ospitalioù, petra gortoz digant an deputeed da zont disul?
Youn Jardin, mouezh vrezhonek difennourien ospital publik Douarnenez, ha ledanoc’h eus holl ospitalioù publik Frañs.

(Ur sujed gant Laëtitia Fitamant)

 

A-benn gouzout hiroc’h

Pellgargañ

Kaout bugale pe nompas kaout bugale ?

Izel awalc’h eo an niver a dud n’o defe ket c’hoant kaout bugale. Pemp den diwar gant nemetken a vefe e Bro C’hall, hervez ar sifroù embannet gant an INED (ensavadur ar studioù demografel) e 2010, hag an niver-se a chom stabil abaoe.
Choazoù buhez a oa chomet e-maez ar gaoz betek un nebeut blaovezhioù’zo.
Met, muioc’h mui bremañ, e klever tud, merc’hed dreist-holl, youl gante da gaozeal eus an hent-buhez disheñvel o deus choazet, eus ar c’heuz o deus da vezañ graet bugale, zoken, evit reoù’zo.

En abadenn-mañ ‘vo klevet komzoù tud chomet divugel, skeudenn ur gevredigezh o cheñch, e-lec’h ma vez dispaket aesetoc’h ar santimañtoù pe traoù personel. C’hwec’h testenni, peder flac’h ha daou baotr o toullañ kaoz en un doare disanv, mersi bras dezhe.

Un abadenn savet gant Rose Le Troadec

Pellgargañ

tonioù :
« Quand la bogue dort », Gwenojenn, Soïg Sibéril (ton kinnig ha diskinnig)
« Nihavent Oriental », Sultan’s secret door, Istanbul Oriental Ensemble
« Lo que vendrá », Gran Bazar, Les Tromano