Skeulioù er C’houmoul

An abadenn faltazi radio e brezhoneg, Skeulioù er C’houmoul, diwar Les Échelles de Nuages gant Dominique Paquet

Ar c’hinnig-mañ a zo graet a-drugarez d’ur c’henlabour etre meur a framm tomm ouzh ar brezhoneg : Teatr Piba, Radio Kerne, Dizale ha Kalanna. Kendrec’het omp holl eo ar c’hrouiñ a galite ur ret evit dazont hor yezh. Setu perak hon eus lakaet hor barregezhioù a-stroll evit ma c’hellfe ar raktres brav-mañ dont war-wel.

An istor
E Sina e tremen an traoù. Da noz, Zao Ming a zigor e galon d’e vignon Shen You : ne chomo ket da louediñ pelloc’h er ger. Petra zo kaoz ? Sina eo zo kaoz p’emañ o cheñch ken buan. An arc’hant eo ar mestr bremañ ha war e dud ouzhpenn pa’z int erru sklav, ne reont ket war e dro ken. Mont a ra e vignon d’e heul. Mont a raint, a dro-gaer da eur ha dizeur, betek e penn all ar bed, ganto o barroù-livañ hag o gerioù a sikouro anezho da ober un depegn eus ar bed evel ma tro ha ‘vel ma ijiner anezhañ.

Ar faltazi en he fezh

Pellgargañ ar faltazi

Skeulioù ar c’houmoul 1/6

Pellgargañ ar rann 1

Skeulioù ar c’houmoul 2/6

Pellgargañ ar rann 2

Skeulioù ar c’houmoul 3/6

Pellgargañ ar rann 3

Skeulioù ar c’houmoul 4/6

Pellgargañ ar rann 4

Skeulioù ar c’houmoul 5/6

Pellgargañ ar rann 5

Skeulioù ar c’houmoul 6/6

Pellgargañ ar rann 6

 

Ar skipailh
Ren arzel  : Thomas Cloarec
Treiñ hag azasaat  : Aziliz Bourges
C’hoari  : Léo Guillerm, Tifenn Linéatte
Krouiñ ar son hag ar sonerezh  : Guillaume Le Guern
Trouzioù  : Nadège Renard
Enrollañ ha kemmeskañ  : Gwenole Peaudecerf ha Jean Mari Ollivier

 

Maen Brest

E Brest, da vare diskar-amzer 2016, e oa bet aterset maouezed ha gwazed ganeomp. Eus Brest ne oant ket, p’o doa ranket tec’hel kuit eus o bro. O zestenioù eo, evel dielloù, a vo klevet en teulfaltazi-mañ. Hag e-kichen an dielloù e vo klevet istor ur penn-den ijinet, rak Maen Brest a zo bet skrivet a-zaou evel un oberenn faltazi ivez : un digarez oa evitomp da liammañ ar vuhez bemdez e Breizh gant danvez sebezus an testenioù a oa bet fiziet ennomp gant ar repuidi. Ar penn-den faltaziet ‘c’hallfe bezañ klevet evel un test eus e rummad, unan a zo o klask e hent en ur bed post-sarkozy, etre tourmant ar mediaoù ha gwirionez eeun un emgav den-ha-den. Gwiadiñ meur a yezh, en em gavout gant tud ha, kaeroc’h c’hoazh, ober un degemer mat dezho, ha ma vefe kement-mañ an doare aesañ da c’hounit karantez ha mignoniezh ?

Pellgargañ an abadenn

Renerezh arzel : Stéphanie Coquillon
Skrivañ : Armel Veilhan ha Stéphanie Coquillon
Treiñ hag azasaat : Aziliz Bourgès
C’hoari : Marion Gwenn
Krouiñ ar son : Marie Guérin
Enrollañ ha kemmeskañ : Jean-Mari Ollivier
Penn sonerezh : Karantez eus Damas, Suhaib Julian.

Trugarekaat :
Trugarez c’hoazh hag adarre, d’an dud o deus fiziet ac’hanomp gant o zestenioù.
Trugarez vras da La Quincaille, Ti Kêr Lokmikaelig, Liberté-Syrie 29, la Ligue des Droits de l’Homme Brest, Le Maquis, Cie Derezo, El Maout – Guimol Dru Band, Tristan an Nedeleg, Youn Kamm, Ewen Briant, Jil Pennec, Marie-Laure Breton, Achille Berthou.

Paotr e valizenn

Teatr Piba, Dizale & Radio Kerne a zo laouen o kinnig deoc’h Paotr e valizenn, un abadenn faltazi e brezhoneg evit ar radio.

En em gavout a ra daou vugel, Nafi ha Krysia, war an hent. Hag int tec’het kuit deus o bro abalamour d’ar brezel. Asambles e klaskont tizhout Europa evit mont da Londrez, an Eldorado, a soñj dezho. N’eo ket un istor gwir met heñvel eo ouzh hini ar repuidi yaouank tec’het kuit deus Bro Siri, Tchad, Tchetchenia, Afganistan, Soudan, Ukraina… er mare-mañ. Un istor hollvedel an hini eo.

Pellgargañ ar faltazi

Teir-oberenn ar peñse : Lampedusa Beach, Lampedusa Snow & Lampedusa Way

Teatr Piba, Dizale & Radio Kerne
a ginnig

Teir-oberenn ar peñse

Lampedusa Beach, Lampedusa Snow & Lampedusa Way

Abadenn faltazi e brezhoneg evit ar radio
Troet e brezhoneg gant Aline Gleoneg diwar oberenn Lina Prosa, Trilogia del naufragio

Lampedusa Beach & Lampedusa Snow

Kontañ a ra an daou rann kentañ peñseoù Shaüba ha Mohamed. Daou istor, div blanedenn, daou huñvre bodet en un drajedienn : tizhout Europa war vor, dre Lampeduza…

Lampedusa Beach

 

Lampedusa Snow

Rener arzel : Thomas Cloarec
Gant : Tifenn Lineate, Tony Foricheur
Sonerezh : Steve Shehan
Trouziañ : Javier Marinero
Enrollet e studioioù Dizale ha Dahlias, e miz Du 2016
Enrollañ ha kemmeskañ : Gwenole Peaudecerf, Jean-Marie Ollivier

Lampedusa Way

Lodenn ziwezhañ an teir-oberenn eo Lampedusa Way. Mont a ra Schaüba ha Mohamed da enezenn milliget Lampedusa war roudoù o nized Mahama ha Saïf…

Rener arzel : Thomas Cloarec
Gant : Marion Guen, Tangi Daniel
Sonerezh : Steve Shehan
Trouziañ : Javier Marinero
Merañ ar son : Gwenole Peaucerf, Jean-Marie Ollivier
Ardivink skignañ dre selaouelloù : Agence du Verbe, Pascal Rueff

Digor d’an holl gant ma vo miret ar plasoù en a-raok
digant ar c’houarz 02 98 33 70 70

Gant sikour :

Rannvro Breizh & FALB, Skoazell ar c’hleweled e brezhoneg