Bac’het en ti, an abadenn graet deus ar gêr gant skipailh Radio Kerne ha Radio Naoned.
Wayne Mockerman, amerikan deus ar c’holorado a gomz deomp deus politikerezh Trump, deus an armoù ha deus an afroamerikaned tapet muioc’h eget ar re all.
Erwan ar Berr, rener skolaj Diwan Kemper ‘vo ganeomp.
Ar Redadeg 2020 ne vo ket redet ar bloaz-mañ, Mael Thépault, deus kuzul-merañ ar Redadeg, a zisplego deomp ar pezh zo bet divizet ganto.
Titouroù pleustrek e fin an abadenn.
Kinniget gant Morgane Bramoullé, danvez gant Marianne Vaidie, Benjamin Bouard, Lou Millour ha Melaine Looten.
Bac’het en ti, abadenn an dispell gant Radio Kerne ha Radio Naoned !
Pegen tomm eo an amzer war-c’horre Merc’her ? Petra eo un asteroidenn ? Pet galaksienn a c’haller gwelet en oabl ? Pegeit zo deus an Douar d’al Loar ? Mont a raimp da veajiñ dre Garront Sant-Jakez ha pelloc’h c’hoazh bep sizhunvezh, asambles gant Dominique Merrien ha Benjamin Bouard, evit deskiñ sekrejoù an neñvoù !
